moidycare

ഞാൻ പത്താം തരം വരെ പഠിക്കുമെന്നൊരിക്കലും  വിചാരിച്ചിരുന്നില്ല. അത്രക്കും പ്രതീക്ഷയറ്റതായിരുന്നു എന്റെ ഭൂതകാലം. രാവിലെ ഒരു പിഞ്ഞാണത്തിൽ കട്ടൻ ചായയും, മധുരത്തിന് ബെല്ലവും, അരിയോ കടലയോ വറുത്തതോ, ചായക്ക് വെള്ളം തിളപ്പിച്ച അടുപ്പിലെ കനലിലിട്ട് ചുട്ടെടുത്ത ഏതാനും ചക്കക്കുരുവോ ആയിരിക്കും എന്റെ വീട്ടിലെ പ്രാതൽ. ചിലപ്പോൾ പല്ല് തേപ്പും ദിന ചര്യകളും കഴിഞ്ഞ് ഉമ്മ അടുക്കളയിൽ പോകാതിരിരുന്നാൽ ഇനിയെന്ത് എന്ന ചിന്ത വരും. അപ്പോൾ  ഏതാനും നാണയതുട്ടുകൾ കൈയിൽ തന്നിട്ട് ഉമ്മ പറയും, "ഇഞ്ഞ് മീത്തലെ പ്ട്യേന്ന് നൂറ് കടലക്കേം പത്ത് ചായപ്പൊട്യൂം, ബാക്കിപൈസക്ക് ബെല്ലോം മാങ്ങീറ്റ് ബേംബാ".  അനുസരണയോട് കൂടി നാണയത്തുട്ടുമായി മീത്തലെ പ്ട്യേന്ന് ഉമ്മ പറഞ്ഞ പ്രകാരം പ്രാതലുണ്ടാക്കാനുള്ള ഭക്ഷ്യ വസ്തുക്കളുമായി  ഞാൻ തിരിച്ചെത്തും. അപ്പോഴേക്കും  ചെറിയ അലൂമിനിയ പാത്രത്തിലെ വെള്ളം അടുപ്പിലെ കനലിൽ  നിന്ന് തിളക്കുന്നുണ്ടാവും.ഉമ്മ അതെല്ലാം എന്നിൽ നിന്നും വാങ്ങി,     തിളക്കുന്ന വെള്ളത്തിൽ പാകത്തിന് ചായപ്പൊടി ചേർത്ത് പാത്രം അടുപ്പിൽ നിന്നിറക്കിവെച്ച്, നല്ല ചൂടുള്ള കട്ടൻ ചായ ചിരട്ടക്കൈല് കൊണ്ട് ...

ഹജ്ജിൻ മാസ പൊൻപിറ കണ്ടൊരു ഹജ്ജിൻ നാളുകളിൽ ജംറകളിൽ കല്ലെറിയും വരെയും ഹജ്ജിൻ അമലുകള് ഇസ്ലാം മത കാര്യത്തിൽ  അതഞ്ചാം റുക്നാണ് അല്ല്വാഹുവിലാരാധന ഹജ്ജിൽ ചെയ്യുക നാം (ഹജ്ജും......) ഹജ്ജ് ഇസ്ലാം കാര്യത്തിൽ അഞ്ചാണ് ഹജ്ജിൻ റുക്നുകളും അഞ്ചാണ് പരിപൂർണ ധന ശുദ്ധി നേടാതെ ഹജ്ജിന്റെ പരപുണ്യം നേടൂല ഹജ്ജിൻ വിധി വിലക്കുകളെ നാം    പാലിക്കേണം പരിശുദ്ധ തൽബിയ:ശുദ്ധി യോടോതണമെല്ലാരും (ഹജ്ജും ഉംറ.....) പത്താം ദിനമാകുമ്പോൾ എല്ലാരും തക്ബീറും ഉച്ചത്തിൽ ചൊല്ലേണം അല്ല്വാഹു അക്ബറെന്നുച്ചത്തിൽ എല്ലവരുമൊന്നിച്ച് ചൊല്ലേണം (അല്ല്വാ.....) തക്ബീറുകളും തൽബിയതും ഓരോ നാളും-2 ഹൃദയത്തിൽ തഖ്,വയായ് ചൊല്ലുക മുസൽമാൻമാരേ. 12:October:2025:ഞായർ

കിനാവിലെ പൂവുകൾ എന്ന ഈ ഗ്രന്ഥം ബാല സാഹിത്യമായാണ് പ്രസിദ്ധീകരിച്ചിരിക്കുന്നത്. കുരുന്നുകൾക്ക് സന്ദേശമുൾക്കൊള്ളാനും വായിച്ചാസ്വദിക്കാനും  ഉപകരിക്കുന്ന കവിതകളും കഥകളുമാണിതിൽ ഉൾക്കൊള്ളിച്ചിരിക്കുന്നത്. ഈ ഗ്രന്ഥം വായിച്ചവരുടെ മനസ്സുകളിൽ നന്മകൾ വിളയട്ടെ എന്ന് പ്രാർത്ഥിക്കുന്നു..

ഓരോ കുഞ്ഞു മനസ്സിലേയും കിനാവിലെ പൂവുകളാണ് കഥകളും കവിതകളും. നമ്മുടെ പിഞ്ചോമനകൾ നമ്മോട് ആവശ്യപ്പെടുന്നത് കഥ പറയാനാണ്. നമ്മുടെ പുതുതലമുറക്ക് അമ്മൂമ്മയുടെ നാവിൻതുമ്പിലൂടെ ശാന്തമായൊഴുകിവരുന്ന കഥ കേട്ടുറങ്ങനുള്ള സൗഭാഗ്യമിന്നില്ല. ഇന്ന് സമൂഹമാദ്ധ്യമങ്ങളാണ് കുട്ടിക്കഥകളും, കവിതകളും നമ്മുടെ കുഞ്ഞുങ്ങൾക്ക് എത്തിച്ചു കൊടുക്കുന്നത്. നാം കഥ തുടങ്ങുമ്പോൾ അവർ ജിജ്ഞാസയോടു കൂടി മൂളിക്കേൾക്കും. ഇടക്ക് വെച്ച് സംശയങ്ങൾ ചോദിക്കും. കഥകളും, കവിതകളും അവരെ ചിന്തിപ്പിക്കുകയും നല്ല സന്ദേശങ്ങളുൾക്കൊള്ളാൻ സഹായിക്കുകയും ചെയ്യും.     ഈ പുസ്തകത്തിൽ എട്ട് കവിതകളും ഏഴ് കഥകളുമാണുള്ളത്. കവിതകൾ നമ്മുടെ ചിന്തകളുടെ ശരിപ്പകർപ്പാണ്. സീമകളില്ലാത്ത ചിന്തകൾ. ആ ചിന്തകൾ വരമൊഴിയിലൂടെ അവതരിപ്പിക്കുന്നതാണ് കവിതകൾ. കഥകളാവട്ടെ നമ്മുടെ ഭാവനയിൽ വിളയുന്ന നല്ല സന്ദേശങ്ങളാണ്. നമ്മുടെ കഥകളും കവിതകളും നന്മയിലേക്കുള്ള സന്ദേശങ്ങളും വഴികാട്ടികളുമാണ്.

ഒരുദിവസമയാൾ മകളുടെ വീട് സന്ദർശിച്ചു.മകളുടെ ഭർത്താവുമായി  കുശലം പറഞ്ഞിരുന്നതിന് ശേഷം മരുമകൻ അകത്തേക്ക് പോയി.  അല്പ സമയത്തിനു ശേഷം മകളുടെ മൂന്ന് മക്കളിൽ ഏറ്റവും ഇളയവായ മുഹമ്മദ് ശാദിലെന്ന മൂന്ന് വയസ്സുകാരൻ അയാളുടെ അരികിൽ വന്ന് "ഉപ്പൂപ്പാ എണീക്ക് ങ്ങക്കെന്റെ ഉപ്പാനെ കാണിച്ച്യേര എന്നും പറഞ്ഞവൻ അയാളുടെ കൈ പിടിച്ച് വലിച്ചു."വേണ്ട നിന്റുപ്പാനെ ഞാനിപ്പം കണ്ടു എന്നും പറഞ്ഞയാൾ അവന്റെ ക്ഷണം നിരസിച്ചു.അവൻ വിട്ടില്ല. "വേണ്ടുപ്പൂപ്പാ എന്റുപ്പാനെ ഞാനിപ്പം തന്നെ കാണിച്ച്യേര എന്നും പറഞ്ഞവൻ യാതൊരു വിട്ടു വീഴ്ചയും കൂടാതെ അയാളുടെ കൈപിടിച്ചുള്ള വലി തുടർന്നു. ഗത്യന്തരമില്ലാതെ അയാൾ തന്റെ പൗത്രന്റെ നിർബ്ബന്ധത്തിന് വഴങ്ങി  മരുമകന്റെ അടുത്തേക്ക് പോയി. അപ്പോൾ അവൻ പറഞ്ഞു ഉപ്പൂപ്പാ ഇതാ എന്റുപ്പ.അപ്പോൾ അവന്റുപ്പ മൊബൈൽ ഫോണിൽ നിന്നും കണ്ണ്മാറ്റി അവനേയും അയാളേയും നോക്കിച്ചിരിച്ചു. പിന്നീട് അവൻ തന്റെ പിതാവിനോട് പറഞ്ഞു. ഉപ്പാ ഇതാ നോക്ക് എന്റുപ്പൂപ്പ. അപ്പോൾ അവരെല്ലാവരും ചിരിച്ചു.

മക്കളുടെ ക്ഷമാപണവും അവർക്ക് വേണ്ടി പാപമോചന പ്രാർത്ഥനയും നടന്ന ശേഷം യൂസുഫ് നബിയുടെ ക്ഷണം സ്വീകരിച്ച് കൊണ്ട് യഹ്ഖൂബ് നബി (അ) അദ്ദേഹത്തിന്റെ ഭാര്യ ലയ്യയും പുത്രപൗത്രാധികളുൾപ്പെടെ തൊണ്ണൂറ്റി മൂന്ന് പേർ കൻആനിൽ നിന്ന് മിസ്റിലേക്ക് യാത്ര പുറപ്പെട്ടു. അവരുടെ ആഗമനവിവരം മുൻകൂട്ടി അറിയിക്കാൻ വേണ്ടി യഹൂദ ആദ്യമേ പുറപ്പെട്ടിരുന്നു.പിതാവും കുടുംബങ്ങളും കൻആനിൽ നിന്ന് മിസ്റിലേക്ക് വരുന്നുണ്ടെന്നുള്ള കാര്യം രാജാവിനെ അറിയിച്ചുകൊണ്ട് അവരെ സ്വീകരിക്കുന്നതിന്ന് രാജാവിന്റെ അനുവാദത്തിന്ന് യൂസുഫ് നബി(അ)യഥാസമയം അപേക്ഷിച്ചു.  ഒരു വൈമനസ്സ്യവും കൂടാതെ രാജാവ് അനുമതി നല്കുകയും ചെയ്തു. യഹ്ഖൂബ് നബിയേയും കുടുംബത്തേയും യഥോചിതം സ്വീകരിക്കാൻ രാജാവ്‌ ഉത്സുകനുമായിരുന്നു.മിസ്റിന്റെ അതിർത്തിയിൽ വെച്ച് യഹ്ഖൂബ് നബിയെ ഒരു വമ്പിച്ച സൈനിക അകമ്പടിയോട് കൂടി തലസ്ഥാനത്തേക്കാനയിക്കാൻ കാലേക്കൂട്ടിത്തന്നെ രാജാവ്‌ ഒരുക്കങ്ങൾ ചെയ്തു. അതനുസരിച്ച് ആയിരം ഭടന്മാരടങ്ങിയ ഒരു സൈനിക സംഘം മിസ്റിൽ നിന്ന് അതിർത്തി പ്രദേശത്തേക്ക് പോയി.  വിശിഷ്ട രീതിയിൽ ഏകീകൃത വസ്ത്രം ധരിച്ച അശ്വഭടന്മാരും ഉണ്ടായിരുന്നു.  നാട്ടിലെ പ്രമാണിമാരും ഉദ്യോഗസ്ഥന്മ...

യൂസുഫ് നബിയുടെ ഉപദേശമനുസരിച്ച് പുത്രനായ അഫ്രാത്തീം പിതൃവ്യനായ ബുൻയാമീൻ കിടക്കുന്ന മുറിയിൽ ചെന്നു. അദ്ദേഹം ബുൻയാമീനെ താങ്ങിയിരുത്തി. ചുമരിലുണ്ടായിരുന്ന പിതൃചിത്രത്തിലും ബുൻയാമീന്റെ മുഖത്തും അഫ്രാത്തീം മാറി മാറി  നോക്കി."നിങ്ങളാരാണ്? ". ബോധം തിരിച്ചു കിട്ടിയപ്പോൾ അഫ്രീത്തീമിനോട് ബുൻയാമീൻ ചോദിച്ചു. "ഞാൻ യൂസുഫിന്റെ പുത്രനാണ്". "അദ്ദേഹമിവിടെയുണ്ടോ?". ബുൻയാമീൻ ചോദിച്ചു. "അതെ, അദ്ദേഹമിവിടെയുണ്ട്". അഫ്രാത്തീം പറഞ്ഞു. കാണാതായ എന്റെ സഹോദരൻ അയാൾ തന്നെയായിരിക്കുമെന്ന് ബുൻയാമീൻ സംശയിച്ചു. അദ്ദേഹം പെട്ടന്നെഴുന്നേറ്റ് അഫ്രാത്തീമിനെ  കെട്ടിപിടിച്ചു. ശിരസ്സിലും, നെറ്റിയിലും തുരുതുരാ ചുംബിച്ചു. എന്നിട്ടദ്ദേഹം അഫ്രാത്തീമിനോട് പറഞ്ഞു. "മോനേ,എന്റെ ജ്യേഷ്ടന്റെ ശരീരത്തിൽ നിന്ന് നിർഗ്ഗളിക്കുന്ന ആസ്വാദ്യകരമായ അതേ സുഗന്ധമാണ് നിന്റെ ശരീരത്തിൽ നിന്നും എനിക്കനുഭവപ്പെടുന്നത്. എനിക്കിപ്പോൾ തന്നെ ജ്യേഷ്ടനെ കാണണം. നീ അദ്ദേഹത്തോട് വിവരം പറയണം.". അഫ്രാത്തീം ഉടൻ തന്നെ പിതാവിനെ സമീപിച്ച് വസ്തുതകളെല്ലാം വിവരിച്ചു. യൂസുഫ് ഉടൻ തന്നെ ബുൻയാമീനെ തന്റെ സ്വകാര്യ മുറിയിൽ  വരുത്തി ത...

യൂസുഫ് നബിയും പുത്രന്മാരും ഖിബ്ത്വി ഭാഷയിലായിരുന്നു  സംസാരിച്ചിരുന്നത്. ആയതിനാൽ അവരുടെ സംഭാഷണം ജ്യേഷ്ടന്മാർക്ക് ഗ്രാഹ്യമായിരുന്നില്ല. യൂസുഫ് നബി(അ)അവരെ മൂന്ന്‌ ദിവസം  അതിഥികളായി  താമസിപ്പിച്ചു. നാലാം ദിവസം  പത്ത് ഒട്ടകങ്ങൾക്ക്  വഹിക്കാവുന്നത്ര ഭക്ഷ്യ വിഭവങ്ങൾ ഒട്ടകപ്പുറത്ത് കയറ്റിക്കൊടുത്തു. ബുൻയാമീനു വേണ്ടി യാതൊന്നും കൊടുക്കാതെ അദ്ദേഹത്തിന്റെ ഒട്ടകത്തെ മടക്കി അയക്കുകയും ചെയ്തു,"ബുൻയാമീൻ തന്നെ  നേരിട്ട് വന്ന് ആവശ്യപ്പെട്ടാൽ ഭക്ഷ്യ വിഭവങ്ങൾ നല്കുന്നതാണെന്നും, അല്ലാതെ  ഇവിടെ നിന്ന് ഭക്ഷ്യ വിഭവങ്ങൾ കൊടുക്കുല്ലന്നതല്ലെന്നും. ബുൻയാമീന്റെ കാര്യത്തിൽ യൂസുഫ് നബി (അ)പറഞ്ഞു. തന്നിമിത്തം ബുൻയാമീന്റെ ഓഹരി വാങ്ങാതെ അവർ തിരിച്ചു പോകാൻ നിർബ്ബന്ധിതരായി. എങ്കിലും കുറേ അകലെ എത്തിയപ്പോൾ  ബുൻയാമീന്റ ഓഹരിക്ക് ഒന്നു കൂടി കെഞ്ചി നോക്കാമെന്നവർ   പരസ്പരം ധാരണയായി. അവർ തിരികെ ചെന്ന് ഇങ്ങിനെ അപേക്ഷിച്ചു. "പ്രഭോ ഞങ്ങൾക്കൊരപേക്ഷയുണ്ട്. അങ്ങത് സ്വീകരിക്കണം. ഞങ്ങളുടെ അനുജൻ പിതാവിനെ ശുശ്രൂഷിച്ച്  വീട്ടിൽ തന്നെ ഇരിപ്പാണ്. അത് കൊണ്ടാണ് അവൻ ഞങ്ങളുടെ കൂടെ വരാതിരുന്നത്...

ഉണ്ണി : തുമ്പീ തുമ്പീ നീ കൈയൊന്ന് നീട്ടുമോ? തുമ്പിക്കൈ കാണുവാൻ മോഹം! മോഹമുണ്ടെന്നുള്ളിൽ തുമ്പിക്കൈ കാണുവാൻ, തുമ്പിക്കൈ നീട്ടുക തുമ്പീ. തുമ്പി: തുമ്പിയാണുണ്ണീ ഞാൻ തുമ്പിയാണെങ്കിലും തുമ്പി കൈയില്ലെന്നിലുണ്ണീ. ആനയമ്മാവനെ  കണ്ട് നീ ചോദിക്ക്  തുമ്പി കൈ നീട്ടുവാനുണ്ണീ. ഉണ്ണി: ആനയമ്മാവാ!ആനയമ്മാവാ!! തുമ്പികൈ നീട്ടുമോ കാൺമാൻ? തുമ്പിണി ചേച്ചിക്ക് തുമ്പി കൈയില്ലെന്ന് ചൊല്ലിയെന്നോടിന്ന് മാമാ. ആന:     തുമ്പിയല്ലെങ്കിലും തുമ്പി കൈയുണ്ടെന്നിൽ തുമ്പിക്ക് തുമ്പി കൈ മിഥ്യാ. തുമ്പിക്ക് കൈയില്ല ആനക്ക് കൈയുണ്ട് ആനക്ക് തുമ്പി കൈയാണേ. പേരിൻ പൊരുളിനെ തേടി നീ പോവല്ലേ പേരിലെന്തർത്ഥമെന്റുണ്ണീ.

റയ്യാനുബ്നുൽ വലീദിന്റെ സ്വപ്നത്തിന്റെ ആദ്യത്തെ ഏഴ് വർഷം ക്ഷേമ ഐശ്വര്യത്തോടെ കടന്നുപോയി. വരാനിരിക്കുന്ന ക്ഷാമകാലത്തേക്ക് ആവശ്യമായ ഭക്ഷ്യ ധാന്യങ്ങളും അനുബന്ധ വസ്തുക്കളും യൂസുഫ് നബി (അ)സംഭരിച്ചിട്ടുണ്ടായിരുന്നു. ഒരു ദിവസമവർ രാജാവിനോട് പറഞ്ഞു. "ഇന്ന് അർദ്ധ രാത്രി മുതൽ ക്ഷാമ വർഷമാരംഭിക്കുകയാണ്. പ്രജകൾക്ക് വിശപ്പും അക്ഷമയും ഏറിക്കൊണ്ടിരിക്കും. അപ്പോൾ രാജാവ് ചോദിച്ചു."അതെല്ലാം അഗതികൾക്കുണ്ടാകുന്ന അനുഭവങ്ങളല്ലേ?ക്ഷേമ ജീവിതം നയിക്കുന്നവർക്ക് വല്ല ആപത്തും നേരിടുമോ?"അപ്പോൾ യൂസുഫ് നബി (അ) പറഞ്ഞു."ആദ്യമായി അങ്ങേക്കായിരിക്കും അവശത ബാധിക്കുക. വിഷപ്പും ക്ഷീണവും ക്ഷമിക്കുന്നതല്ല" ഇത് കേട്ടപ്പോൾ  രാജാവിന്  ആശങ്കയുളവായി. ധാരാളം ഭക്ഷണ പദാർത്ഥങ്ങൾ ഒരുക്കിവെക്കണമെന്ന് പാചക ജോലിക്കാരോട് അദ്ദേഹം കല്പിച്ചു. വിഷപ്പുണ്ടാകുമെങ്കിൽ ഭക്ഷണവും ധാരാളമുണ്ടല്ലോ എന്നു രാജാവ്  സമാശ്വസിച്ചു. അർദ്ധ രാത്രി ആയതോടെ വിശക്കുന്നു എന്നും പറഞ്ഞ് രാജാവ്‌ ഭക്ഷണത്തിന് ചോദിക്കാൻ തുടങ്ങി. ഭൃത്യന്മാർ രജാവിന് ഭക്ഷണം കൊടുത്തു. അവയെല്ലാം കഴിച്ചിട്ടും രാജാവിന്റെ വിശപ്പിന് ശമനമുണ്ടായില്ല. നേരം പുലർന്നപ്പോൾ"മിസ്ർക...

യൂസുഫ് നബി  പ്രഭാതമായാൽ ഇങ്ങനെ പ്രാർത്ഥിക്കുമായിരുന്നു.  "യാ അല്ലാഹ്,എന്റെ  പിതാവുമായുള്ള വേർപാട്   എനിക്കസഹ്യമായിത്തീർന്നിരിക്കുന്നു.  ഈ വിരഹ   ദു:ഖത്തിന്  ഒരറ്റവും ഞാൻ കാണുന്നില്ലല്ലോ അല്ല്വാഹ്!എന്നിൽ ദയയുണ്ടാകേണമേ!ഈ വിരഹ ദു:ഖത്തിൽ നിന്നെന്നെ നീ മോചിപ്പിക്കേണമേ!ഇങ്ങിനെ പ്രാർത്ഥിക്കുന്നതിനിടയിൽ ഒരു ദിവസം ജിബ്രീൽ(അ) എന്ന മാലാഖ യൂസുഫ് നബിയുടെ സന്നിധിയിൽ പ്രത്യക്ഷപ്പെട്ട് കൊണ്ട് പറഞ്ഞു. പ്രവാചകരേ ഞാൻ അങ്ങയെ അനുമോദിക്കുന്നു. അങ്ങയെ അല്ല്വാഹു നബിയും റസൂലുമാക്കി നിയോഗിച്ചിരിക്കുന്നു. അങ്ങയുടെ ആത്മീയ പരിശുദ്ധി സർവ്വ പാപങ്ങളിൽ നിന്നും അങ്ങക്ക്, മുക്തി,നൽകിയിരിക്കുന്നു.  അങ്ങയുടെ സ്ഥൈര്യത്തോട് കൂടിയുള്ള സത്യ വിശ്വാസം നിമിത്തം  അങ്ങക്ക് അല്ല്വാഹു 'സ്വിദ്ധീഖ്'എന്ന ബഹുമതിയും നൽകിയിരിക്കുന്നു. യൂസുഫ് നബി ഉടൻ തന്നെ അല്ല്വാഹുവിനോട് കൃതജ്ഞത പ്രകടിപ്പിച്ചു.തുടർന്ന് മാലാഖയോട് ചോദിച്ചു."എന്റെ പിതാവിന്റെ ഇപ്പോഴത്തെ അവസ്ഥയെന്താണ്?. പിതാവിന്റെ വർത്തമാനം അറിയാത്തതിനാൽ എനിക്ക്, യാതൊരു  സ്വസ്ഥതയുമില്ല". അപ്പോൾ മാലാഖ പറഞ്ഞു. "അദ്ദേഹത്തിന് സുഖമാണ്....

1961 ജൂൺ 01-ന് കോഴിക്കോട് ജില്ലയിലെ മുയിപ്പോത്ത് എന്ന  ഗ്രാമത്തിൽ  ജനിച്ചു.മുയിപ്പോത്ത് മാപ്പിള യു.പി.സ്കൂളിൽ പ്രാഥമിക വിദ്യാഭ്യാസം. പിതാവിന്റെ അപ്രതീക്ഷിത വേർപാട് ജീവിതം വഴിമുട്ടിച്ചപ്പോൾ, മുക്കത്തുള്ള മുസ്ലിം അനാഥാലയം എനിക്ക് അഭയം തന്നു.1972 മെയ്‌ 25നാണ് മുക്കം മുസ്ലിം അനാഥാലയത്തിൽ ചേർന്നത്. അവിടെവെച്ച് ഞാൻ  പ്രീ -ഡിഗ്രിവരെ പഠിച്ചു.പ്രീ-ഡിഗ്രി പാസ്സാവാൻ കഴിഞ്ഞില്ല. 1979-ൽ അനാഥാലയ ജീവിതം മതിയാക്കി വീട്ടിലേക്ക് മടങ്ങിയെത്തി. പിന്നീട് മദ്രസ അദ്ധ്യാപകനായി ജീവിതോപാധി കണ്ടെത്തി. അനാഥാലയത്തിലെ ജീവിത കാലത്ത് അവിടത്തെ അന്തേയവാസികൾ പ്രസിദ്ധീകരിച്ചിരുന്ന 'അൽഹിലാൽ' കൈയെഴുത്ത് മാസികയിലൂടെ കവിതകളും കഥകളും എഴുതിത്തുടങ്ങി.        എന്ന് നിങ്ങളുടെ വിനീതൻ         മൊയ്തി.     Email:moidycare@gmail.com, Web:https://www.moidycare.com. ഗ്രന്ഥകാരന്റെ കൃതികൾ  1:ഓർമയിലെ നാളുകൾ. 2:കിനാവിലെ പൂവുകൾ  (ബാല സാഹിത്യം)

സ്ത്രീകൾ തനിക്കെതിരിൽ ഉന്നയിച്ചിരുന്ന അപവാദങ്ങളിൽ  നിന്ന് രക്ഷപ്രാപിക്കാൻ സുലൈഖയൊരുപായം കണ്ടെത്തി. അവൾ മിസ്ർ പട്ടണത്തിലെ ഉയർന്ന കുടുംബങ്ങളിലെ സ്ത്രീകളെയെല്ലാം ഒരു വിരുന്നിനു ക്ഷണിച്ചു. ക്ഷണിക്കപ്പെട്ടവരെല്ലാം വിരുന്നിൽ പങ്കെടുക്കുകയും ചെയ്തു. വിരുന്നിന്റെ ഭാഗമായി അവരുടെ കൈയിൽ മുറിച്ചു തിന്നാൻ പാകത്തിലുള്ള  പഴങ്ങളും അത് മുറിക്കാനുള്ള മൂർച്ചയേറിയ കത്തിയും  നല്കി. യൂസുഫ്  സലീഖയുമായി പറഞ്ഞുറപ്പിച്ചതനുസരിച്ച് അദ്ദേഹം ദിനചര്യകളെല്ലാം കഴിഞ്ഞ്, വസ്ത്രങ്ങളും തലപ്പാവും ധരിച്ച് ഒരുങ്ങി നിന്നു. സലീഖ അതിഥികളെ ഉപചരിക്കുന്നതിൽ വ്യാപൃതയായി. അവർ പഴങ്ങളും കത്തിയും കൈയിലെടുത്ത അതേ വേളയിൽ തന്നെ ബീവി ആംഗ്യം കാണിച്ചു. അപ്പോൾ യൂസുഫ് അവരുടെ  മുന്നിലൂടെ വെള്ളപ്പാത്രവുമായി സാകൂതം നടന്നു വന്ന് വെള്ളപ്പാത്രം അവരുടെ മുന്നിൽ വെച്ച് കൊണ്ട് നടന്നകന്നു. അവരെല്ലാം യൂസുഫിന്റെ ആകാര ഭംഗിയിൽ ഭ്രമിച്ചുപോയി.   പഴം മുറിക്കുമ്പോൾ കൈവിരലുകൾ കൂടെ  ഛേദിച്ചകാര്യം അവരറഞ്ഞില്ല. അദ്ദേഹത്തിന്റെ കവിൾത്തടങ്ങളിൽ പതിഞ്ഞു പോയിരുന്ന സ്വനയനങ്ങളെ പിന്തിരിപ്പിക്കുവാനും അവർക്ക് കഴിഞ്ഞില്ല. അവർക്ക് ആപത്ത് പ...

അവർ യൂസുഫിനേയും കൊണ്ട് അസീസിന്റെ വസതിയിലെത്തി. അതോട്  കൂടി സലീഖായുടെ ദു:ഖ പരവശതകളെല്ലാം അവസാനിച്ചു. താൻ സ്വപ്നത്തിൽ ദർശിച്ച യുവാവാണ് ആ അടിമയെന്ന് ബീവിക്ക് ബോദ്ധ്യമായി. ആ പരമാർത്ഥം വളർത്തമ്മയോടവർ തുറന്ന് പറയുകയും ചെയ്തു. യൂസുഫിനെ ശുശ്രൂഷിക്കുന്നതിൽ അവൾ വളരെ ഉത്സുകയായിരുന്നു. അദ്ദേഹത്തെക്കുറിച്ചുള്ള ചിന്തയിൽ നിന്ന് ഒരിക്കലുമവർ മുക്തയായിരുന്നില്ല. ഒരു ദിവസം തന്റെ  ദാസി മുഖേന യൂസുഫിന്റെ അടുക്കലേക്കവർ ഒരു സന്ദേശം പറഞ്ഞയച്ചു. "എന്നെയല്ലാതെ അങ്ങ് മറ്റാരേയും പത്നിയായി സ്വീകരിക്കരുതെന്നും, എന്റെ പക്കലുള്ള സർവ്വ ദ്രവ്യങ്ങളും അങ്ങയെ ഭരമേൽപ്പിക്കുന്നതിന് ഞാൻ സന്നദ്ധയാണെന്നും,  പലപ്രാവശ്യം സ്വപ്നത്തിൽ കണ്ടതിനാൽ അങ്ങയെ ദർശിക്കുന്നതിനുള്ള ഭാഗ്യ സന്ദർഭം കാത്ത്  നാളിതുവരെ യാതൊരു മനസ്സമാധാനവുമില്ലാതെയാണ് ഞാൻ  ജീവിതം തള്ളി നീക്കിയതെന്നും, ഇപ്പോഴാവട്ടെ അങ്ങയെ ദർശിക്കാൻ കഴിഞ്ഞത് കൊണ്ടാണ് എന്റെ സകല ദ:ഖങ്ങളും ദൂരീകൃതമായിരിക്കുന്നതെന്നുമായിരുന്നു ആ സന്ദേശം. " യൂസുഫ് നബി അതിന് ഇങ്ങിനെയാണ് മറുപടി പറഞ്ഞയച്ചത്. "സലീഖയെ ഞാനും സ്വപ്നത്തിൽ കണ്ടിട്ടുണ്ടായിരുന്നു.ഞാൻ അവൾക്കും അവളെനിക്കും " എന്ന...