ലോകോല്പത്തി(1)

ഈ ലോകത്ത് ആദ്യമേ ഉണ്ടായിരുന്നത് 

അല്ലാഹുവിന്റെ സാന്നിധ്യവും,മനുഷ്യ

ബുദ്ധിക്ക് സങ്കല്പിക്കാൻ പോലും പറ്റാ

ത്ത അനന്തമായ ശൂന്യതയുമായിരുന്നു. എന്നാൽ ഈ ലോകത്തിലെ പ്രത്യക്ഷവും അപ്രത്യക്ഷവുമായ വിവിധ വസ്തുക്കളുടെ ഉല്പത്തി എങ്ങിനെയായിരുന്നുവെന്നും ആദിയായവ ഏതെല്ലാമാണെന്നുമുള്ള കാര്യത്തിൽ ചരിത്രകാരന്മാർക്കും ഗവേഷകന്മാർക്കും ഒരഭിപ്രായത്തിലെ

ത്താൻ നാളിതുവരെ കഴിഞ്ഞിട്ടില്ല. 

എന്നാൽ മുഹമ്മദ് നബിയുടെ വാക്കുകളെ ഉദ്ദരിച്ചു കൊണ്ട് മുസ്ലിം മത പണ്ഡിതന്മാർ ലോകോല്പത്തിയെ കുറിച്ച് പല അഭിപ്രായങ്ങളും രേഖപ്പെടുത്തിയി

ട്ടുണ്ട്. ഈ രേഖകളിൽ യാഥാർഥ്യങ്ങളും 

സാങ്കല്പിക കഥകളും കടന്നുകൂടിയിട്ടുമു

ണ്ട്. പ്രമാണങ്ങൾ കൊണ്ട് പ്രബലപ്പെട്ടി

ട്ടില്ലാത്തവ കേവലം ഒരു കഥയായി പരിഘണിക്കുന്നതിൽ അബദ്ധമില്ല.

           എന്നാൽ മുഹമ്മദ് നബിയാണ് ലോകോല്പത്തിക്ക് കാരണമെന്ന് മുസ്ലിംകൾ വിശ്വസിക്കുന്നു. നബിയുടെ പ്രകാശമാണ് ആദ്യമായി സ്രൃഷ്ടിക്കപ്പെട്ട

തെന്ന് മുസ്ലിം മതപണ്ഡിതന്മാരിൽ ഭൂരിപക്ഷവും രേഖപ്പെടുത്തിയത്. 

ആ പ്രകാശമാമാണ് സ്രൃഷ്ടികളുടെയെ

ല്ലാം ഉത്ഭവം. ഈ പ്രകാശത്തിൽ നിന്ന് 

ആദ്യമായുണ്ടായത് അറിവിന്റെ 

അടിത്തറയായ ബുദ്ധിയാണെന്ന് ചിലരും, ഖലമാണെന്ന് മറ്റ് ചിലരും അഭിപ്രായപ്പെട്ടിട്ടുണ്ട്. എന്നാൽ ബുദ്ധിയുടേയും ഖലമിന്റേയും കാര്യത്തിലുള്ള ഈ രണ്ടു തരം അഭിപ്രായ വ്യത്യാസത്തെ സൂഷ്മ വസ്തുക്കളിൽ ഒന്നാമത്തേത് ബുദ്ധിയും സമൂല വസ്തുക്കളിൽ ആദ്യത്തേത് ഖലമുമാണെന്ന് പറഞ്ഞു കൊണ്ട് ചില പണ്ഡിതന്മാർ ഏകീകരിച്ചിരിക്കുന്നു. ഇക്കാര്യങ്ങളെല്ലാം അദൃശ്യവും അഗോചരങ്ങളുമാണ്.

         അല്ലാഹു ഈ പ്രപഞ്ചത്തെ പടക്കുന്നതിന് അനേകായിരം വർഷങ്ങൾക്ക് മുമ്പ് തന്നെ നബിയുടെ പ്രകാശത്തെ സൃഷ്ടിച്ചുവെന്നും ആ അവസരത്തിൽ അർശ്, കുർസിയ്യ്, ഖലം, ലൗഹ് എന്നിവയൊന്നുംഉണ്ടായിരുന്നില്ല എന്നും. മനുഷ്യരും മലക്കുകളും, സ്വർഗ്ഗ നരകങ്ങളും മുതലായവയെല്ലാം, പിന്നീടുത്ഭവിച്ചതുമാണെന്നുമാണ് പണ്ഡിതാഭിപ്രായം. പിന്നീട് നബിയുടെ പ്രകാശത്തിൽ നിന്ന് അതി വിശാലമായ അർശ്, കുർസിയ്യ് എന്നിവയേയും

ഏഴാകാശങ്ങളേയും ഭൂമി മുതലേയവയേ

യും അവൻ സൃഷ്ടിച്ചു.

*************************************

 എന്താണ് അർശ്? അർശ് എന്നാൽ അല്ലാഹുവിന്റെ സിംഹാസനം. രാജ പീഠം.

എന്താണ് കുർസിയ്യ്? കുർസിയ്യ് എന്നാൽ ഭാഷാർത്ഥത്തിൽ കസേര എന്നർത്ഥം. ആഅല്ലാഹുവിന്റെകുർസിയ്യ്. ആകാശങ്ങളേയും ഭൂമിയേയുംവിശാലമായി ഉൾക്കൊള്ളത്തക്ക വിധം പ്രവിശാലമാണത്. ഇതിന്ന് നിഘണ്ടുവിൽ പാദ പീഠം എന്നർത്ഥം. (ശഷം രണ്ടാം അദ്ധ്യായത്തിൽ)

എന്താണ് ഖലം?:ഖലം എന്നാൽ ഭാഷാർത്ഥത്തിൽ പേന.

അല്ലാഹുവിന്റെ വിധിയും, അവനിൽ നിന്നുള്ള അറിവുകളും രേഖപ്പെടുത്തുന്ന ഉപാധിയാണ് ഖലം. പ്രപഞ്ചം സൃഷ്ടിക്കപ്പെടുത്തതിന് മുമ്പ് തന്നെ ലോകാവസാനം വരെ സംഭവിക്കാനിരിക്കുന്ന എല്ലാ കാര്യങ്ങളും അല്ലാഹുവിന്റെ കല്പന പ്രകാരം ആകാശത്തിലെ സംരക്ഷിത ഫലക(ലൗഹുൽ മഹ്ഫൂളി)ൽ പ്രകാശികമായ ഉപകരണം. ഉദാഹരണമായി കമ്പ്യൂട്ടർ.