ഒരിക്കൽ നബിയും അനുയായികളും ഒരിടത്ത് ഉപവിഷ്ടരായിരുന്നതിനിടയിൽ നബി അവരോട് ചോദിച്ചു. "നിങ്ങളുടെ ഉപരി ഭാഗത്ത് എന്താണെന്ന് അറിയാമോ". തങ്ങൾക്കറിയില്ല എന്നവർ മറുപടി പറഞ്ഞു. അപ്പോൾ നബി പറഞ്ഞു "അത് റഖീയാണ്.മേൽപുര. മേലെ കാണുന്ന ആകാശം സുരക്ഷിതമായ മേൽപ്പുരയാണ്". "നിങ്ങളുടെയും അതിന്റെയുമിടക്ക് എത്ര ദൂരമുണ്ടെന്നറിയാമോ". നബി വീണ്ടും ചോദിച്ചു. തങ്ങൾക്കറിയില്ല എന്നവർ വീണ്ടും പറഞ്ഞു. അപ്പോൾ നബി പറഞ്ഞു. " ഓരോ ആകാശങ്ങൾ തമ്മിലുള്ള അകലം അഞ്ഞൂറ് കൊല്ലത്തെ വഴിദൂരമാണ്. ഏഴ് ആകാശങ്ങളിൽ ഓരോന്നിനേയും ഭൂമിയേയും എണ്ണിക്കൊ ണ്ട് എല്ലാ ഓരോന്നിന്റേയും ഇടക്കുള്ള ദൂ രം അഞ്ഞൂറ് കൊല്ലത്തെ വഴിദൂരമാണ്". "ഇവയ്ക്കെല്ലാം മീതെ എന്താണെന്ന് നിങ്ങൾക്ക് അറിയാമോ?" നബി ചോദിച്ചു. അറിയില്ല എന്നവർ വീണ്ടും മറുപടി പറഞ്ഞു. "അവയ്ക്കെല്ലാം മീതെയുള്ളത് അർശാ ണെന്നും, അതും ആകാശവും തമ്മിലു ള്ള അകലം രണ്ട് ആകാശങ്ങൾ തമ്മിലുള്ള അകലമാണെന്നും നബി പറഞ്ഞു. അനേകായിരം നാഴിക ദൂരത്ത് കട്ടിയായി നിലകൊള്ളുന്ന പളുങ്കു പോലെയുള്ള വസ്തുവാണ് ഏഴാകാശങ്ങളെന്ന് പ്രാചീന ശാസ്ത്രജ്ഞന്മാർ പറഞ്ഞു. ഏറു കല്...
നരക കവാടങ്ങളടക്കപ്പെടുകയും, സ്വർഗ കവാടങ്ങൾ തുറക്കപ്പെടുകയും, പിശാചുക്കളെ ബന്ധിക്കുകയും ചെയ്യുന്ന മാസമാണ് റമള്വാൻ. ഖുർആനിറക്കപ്പെടുകയും, ആയിരം മാസത്തേക്കാളുത്തമമായ ലൈലതുൽ ഖദറുള്ള മാസമാണ് റമള്വാൻ. വിശുദ്ധ റമള്വാനിനെ സംബന്ധിച്ച് അല്ല്വാഹു പറഞ്ഞു. വിശ്വാസികളേ, നിങ്ങൾളുടെ മുമ്പുള്ളവർക്ക് നിർബ്ബന്ധമാക്കിയത് പോലെ നിങ്ങൾക്കും നോമ്പ് നിർബ്ബന്ധമാക്കിയിരിക്കുന്നു, നിങ്ങൾ നിഷ്ഠയുള്ളവരാവാൻ വേണ്ടി.
വൃതമനുഷ്ഠിക്കുന്നത് വളരെയധികം പ്രതിഫലം ലഭിക്കുന്ന ആരാധനാ കർമ്മമാണ്. മുസ്ലിം റിപ്പോർട്ട് ചെയ്ത ഒരു ഖുദ്സിയ്യായ ഹദീസിൽ ഇങ്ങനെ കാണാം.
"ആദം സന്തതിയുടെ ഓരോ സൽകർമ്മത്തിനും പത്തുമുതൽ എഴുന്നൂറ് ഇരട്ടികളായി പ്രതിഫലം നൽകപ്പെടും. നോമ്പ് ഒഴികെ. അതെനിക്കുള്ളതാണ്. ഞാനാണവന് പ്രതിഫലം നൽകുക.
നബി(സ്വ)യരുളി, "സ്വർഗത്തിൽ റയ്യാനെന്നൊരു കവാടമുണ്ട്.നോമ്പുകാർക്ക് മാത്രമേ അന്ത്യനാളിൽ ആ കവാടത്തിലൂടെ പ്രവേശിക്കാനാകൂ. മറ്റാർക്കും അതിലൂടെ പ്രവേശനമില്ല. അവിടെ വെച്ച് നോമ്പുകാരെവിടെയെന്ന് വിളമ്പരമുണ്ടാകും. അപ്പോളവരെല്ലാമതിലൂടെ കടന്നു പോകും. പിന്നെ ആ കവാടമടക്കപ്പെടും. വേറെ ആരും തന്നെ അതിലൂടെ പ്രവേശിക്കുകയുമില്ല". പുണ്യങ്ങളുടേയും നന്മകളുടേയും പൂക്കാലമാണ് റമള്വാൻ, ഒരിക്കലും വീണ്ടെടുക്കാനാവാത്ത കാലം.
Comments
Post a Comment