ഇസ്ലാംകാര്യത്തിൽ അഞ്ചാമത്തേതാണ് ഹജ്ജ്.തടിയാലും,വഴിയാലും,മുതലാലും കഴിവുള്ളവർക്ക്ജീവിതത്തിലൊരിക്കൽ ഹജ്ജും,ഉംറയും നിർവ്വഹിക്കൽ നിർബന്ധമാണ്.ഹിജ്റ ആറാം വർഷത്തിലാണ് ഹജ്ജ് നിർബന്ധമാക്കപ്പെട്ടത്.
ഹജ്ജും,ഉംറയും നിർബന്ധമാവാനുള്ള ഉപാധികൾ നാലാകുന്നു.
1:മുസ്ലിമാവുക.
2:മുകല്ലഫാവുക.
3:സ്വതന്ത്രനാവുക
4:കഴിവുണ്ടാവുക.
മുകല്ലഫ് എന്നതിൻറെ ഉദ്ദേശം,പ്രായപൂർത്തിയും ശുദ്ധിയും ബുദ്ധിയുമുള്ള മുസ്ലിമായ ആൾ എന്നാണ്.
കഴിവുണ്ടാവുക എന്നതിൻറെ ഉദ്ദേശം,നാലുക്കാര്യങ്ങളെ ആസ്പദമാക്കിയാണ്.ആ നാലുകാര്യങ്ങൾ:
1-പോയി വരുന്നതു വരെയുള്ള കാലത്തെ അവൻറെയും,അവൻ ചിലവിന് കൊടുക്കേണ്ടവരുടേയും ഭക്ഷണണവും മറ്റു ബാദ്ധ്യതകളും വഹിക്കാനുള്ള കഴിവു്.
മക്കയിൽ നിന്ന് സുമാർ 133(നൂറ്റി മുപ്പത്തിമൂന്ന് കിലോമീറ്റർ അകലെയുള്ളവനോ,നടക്കാൻ കഴിയാത്തവനോ ആണെൻകിൽ വാഹനം ഉണ്ടായിരിക്കുക.
3:പോകുന്ന വഴി സുരക്ഷിതമായിരിക്കുക.
4:പ്രയാസമില്ലാതെ വാഹന യാത്ര ചെയ്യാൻ കഴിവുള്ളവനാവുക.
എന്നാൽ ഇതിനെല്ലാം പുറമെ സ്ത്രീകൾക്ക് ഹജ്ജും ഉംറയും നിർബന്ധമാവാൻ രണ്ട് നിബന്ധനകൾ കൂടിയുണ്ട്.
1:ഇദ്ദയിൽ അല്ലാതിരിക്കൽ,
2:അവളുടെ കൂടെ ഭർത്താവോ,മഹ്റമോ വിശ്വസ്ഥകളായ സ്ത്രീകളോ ഉണ്ടായിരിക്കുക.
ഫർള്വായ ഹജ്ജിന്നും ഉംറക്കും ഒരു വിശ്വസ്ഥയായ സ്ത്രീയുടെ സുരക്ഷിതത്വം ഉറപ്പാണെൻകിൽ സ്വന്തമായും പോകാവുന്നതാണ്.
ഹജ്ജ് നിർബ്ബന്ധമായവൻ മരണപ്പെട്ടാൽ അവൻറെ സ്വത്തിൽനിന്ന് ചിലവഴിച്ചു്, മറ്റൊരാളെ കൊണ്ട് അവന് വേണ്ടി ഹജ്ജ് ചെയ്യിപ്പിക്കൽ നിർബന്ധമാണ്.സ്വത്തില്ലെൻകിൽ അവന് വേണ്ടി ഹജ്ജ് ചെയ്യൽ അവകാശികൾക്ക് സുന്നത്താണ്.
വാർദ്ധക്യം കൊണ്ടോ, സുഖപ്പെടുമെന്ന് പ്രതീക്ഷയില്ലാത്ത രോഗം കൊണ്ടോ ഹജ്ജ് ചെയ്യാൻ കഴിയാത്ത നൂറ്റിമുപ്പത്തിമൂന്ന് കിലോമീറ്റർ അകലെയുള്ളവൻ പകരം ഹജ്ജ് ചെയ്യിപ്പിക്കൽ നിർബ്ബന്ധമാണ്.
നൂറ്റിമുപ്പത്തി മൂന്ന് കിലോമീറ്ററിന് ഉള്ളിലാണെൻകിൽ അവൻറെ മരണ ശേഷം മാത്രമേ ഹജ്ജ് ചെയ്യിപ്പിക്കാൻ പാടുള്ളൂ.
മൊയ്ദി കെയറിലെ ഹജ്ജുമായി ബന്ധപ്പെട്ട മറ്റു ലേഖനങ്ങൾ.
3: ഇഹ്റാം കൊണ്ട് ഹറാമായ കാര്യങ്ങൾ.
4: ഹജ്ജും ഉംറയും ഒരു ലഘു പഠനം.
5: ഹജ്ജും ഉംറയും നിർവ്വഹിക്കാവുന്ന മൂന്ന് രൂപങ്ങൾ.
6: ഹജ്ജിന്റെ വാജിബാത്തുകളും സുന്നത്തുകളും.
7: ഹജ്ജിനും ഉംറക്കും ഇഹ്റാം ചെയ്യാനുള്ള കാലവും സ്ഥലവും.
8:ഹജ്ജിന്റെയും ഉംറയുടെയും ഫർളുകൾ.
Comments
Post a Comment